مشفق 175 پر دیکھتے رہ گئے، ڈبل سنچری نہ بن سکی

بنگلہ دیش کے بلے باز مشفق الرحیم اپنی چوتھی ڈبل سنچری سے محروم رہ گئے کیونکہ دوسرے اینڈ سے تمام کھلاڑی اپنی وکٹیں دے گئے۔

میرپور ٹیسٹ میں جب لٹن داس اپنے کل کے اسکور 135 میں صرف 6 رنز کا اضافہ کر کے آؤٹ ہوئے تو ان کی ریکارڈ شراکت داری 272 رنز پر تمام ہوئی۔

تب سب کی نظریں مشفق پر تھیں کہ وہ اپنی چوتھی ڈبل سنچری تک پہنچے۔ لیکن سوائے تیج الاسلام کے کسی نے مشفق کا ساتھ نہیں دیا۔ وہ 37 گیندوں پر 15 رنز بنا کر آؤٹ ہوئے، یہاں تک کہ عبادت حسین کا 20 گیندوں پر صفر آخری وکٹ بنا۔

بنگلہ دیش کی پہلی اننگز 365 رنز پر مکمل ہوئی یعنی آخری پانچ وکٹیں صرف 90 رنز کے اضافے سے گریں۔ مشفق 175 پر ناٹ آؤٹ میدان سے واپس آئے۔ انہوں نے 355 گیندیں کھیلیں اور 21 چوکے بھی لگائے۔

سری لنکا کا دورۂ بنگلہ دیش 2022ء - دوسرا ٹیسٹ

‏23 تا 27 مئی 2022ء

شیرِ بنگلہ نیشنل اسٹیڈیم، میرپور، بنگلہ دیش

بنگلہ دیش کی پہلی اننگز

بنگلہ دیش (پہلی اننگز)					365
مشفق الرحیم	175*	355	کاسن راجیتھا	5-64	28.2
لٹن داس	141	246	اسیتھا فرنینڈو	4-93	26

مشفق اس سے پہلے تین ڈبل سنچریاں بنا چکے ہیں، جن میں سے پہلی انہوں نے مارچ 2013ء میں سری لنکا کے خلاف ہی بنائی تھی۔ یہ گال ٹیسٹ تھا کہ جس میں مشفق نے 437 گیندوں پر 200 رنز بنائے تھے۔

اس کے بعد وہ 2018ء اور 2020ء میں میرپور کے اسی میدان پر زمبابوے کے خلاف دو ڈبل سنچریاں بنا چکے ہیں۔ 2018ء میں کیریئر بیسٹ 219 رنز کی ناٹ آؤٹ اننگز کھیلی اور پھر فروری 2020ء میں زمبابوے ہی کے خلاف اسی میدان پر ناٹ آؤٹ 203 رنز بنائے۔

مشفق کی کیریئر سنچریوں کی تعداد اب 9 تک پہنچ چکی ہے، 25 نصف سنچریاں اس کے علاوہ ہیں۔ وہ پچھلے ٹیسٹ میں ہی 5 ہزار ٹیسٹ رنز بنانے والے بنگلہ دیش کے پہلے بیٹسمین بنے ہیں۔

مشفق کی بہترین ٹیسٹ اننگز

رنز	گیندیں	4	6	بمقابلہ	بمقام	بتاریخ
219*	421	18	1	زمبابوے	میرپور	‏11 نومبر 2018ء
203*	318	28	0	زمبابوے	میرپور	‏22 نومبر 2020ء
200	321	22	1	سری لنکا	گال	‏8 مارچ 2013ء
175*	355	21	0	سری لنکا	میرپور	‏23 مئی 2022ء
159	260	23	1	نیوزی لینڈ	ویلنگٹن	‏12 جنوری 2017ء
127	262	16	2	بھارت	حیدرآباد	‏9 فروری 2017ء
116	243	15	1	ویسٹ انڈیز	کنگزٹاؤن	‏5 ستمبر 2014ء
105	282	4	0	سری لنکا	چٹوگرام	‏15 مئی 2022ء
101	114	17	1	بھارت	چٹوگرام	‏17 جنوری 2010ء