انگلستان پاکستان کے خلاف تین ٹیسٹ اور چار ون ڈے کھیلنے پر رضامند

انگلستان رواں سال کے اواخر میں پاکستان کے خلاف تین ٹیسٹ، چار ایک روزہ اور تین ٹی ٹوئنٹی 20 مقابلے کھیلے گا جس کے لیے مقام کا تعین پہلے ہی کیا جا چکا ہے یعنی پاکستان کی یہ 'ہوم' سیریز متحدہ عرب امارات میں کھیلی جائے گی۔

بدھ کو انگلینڈ اینڈ ویلز کرکٹ بورڈ کی جانب سے کرک نامہ کے موصول ہونے والے اعلامیہ میں بتایا گیا ہے کہ انگلستان 2011ء-12ء کے موسم سرم میں پانچ ایک روزہ اور ایک ٹی ٹوئنٹی پر مشتمل سیریز کھیلنے کے لیے بھارت جائے گا جس کے بعد پاکستان کے خلاف سیریز کھیلی جائے گی اور بعد ازاں سری لنکا کے خلاف دو ٹیسٹ میچز بھی کھیلے جائیں گے۔

انگلستان کے دورۂ بھارت کا آغاز 4 اکتوبر کو حیدرآباد دکن آمد سے ہوگا جس کے بعد ٹیم حیدرآباد، دہلی، موہالی، ممبئی اور کولکتہ میں ایک روزہ مقابلے کھیلے گی اور اس کے بعد واحد ٹی ٹوئنٹی بھی کولکتہ کے تاریخی ایڈن گارڈنز میں ہوگا۔

انگلینڈ اینڈ ویلز کرکٹ بورڈ نے پاکستان کے خلاف سیریز کا حتمی شیڈول جاری نہیں کیا جس کا اعلان بعد میں کیا جائے گا البتہ اگلے سال مارچ و اپریل میں دورۂ سری لنکا کا اعلان کر دیا گیا ہے جس کے مطابق انگلش ٹیم گال اور کولمبو میں دو ٹیسٹ میچز کھیلے گی۔

انگلستان کا دورۂ بھارت

14 اکتوبر 2011ء	بمقابلہ	پہلا ایک روزہ	حیدرآباد دکن
17 اکتوبر 2011ء	بمقابلہ	دوسرا ایک روزہ	دہلی
20 اکتوبر 2011ء	بمقابلہ	تیسرا ایک روزہ	موہالی
23 اکتوبر 2011ء	بمقابلہ	چوتھا ایک روزہ	ممبئی
26 اکتوبر 2011ء	بمقابلہ	پانچواں ایک روزہ	کولکتہ
29 اکتوبر 2011ء	بمقابلہ	واحد ٹی ٹوئنٹی	کولکتہ

انگلستان بمقابلہ پاکستان بمقام متحدہ عرب امارات

مقامات اور مکمل شیڈول کا اعلان بعد میں کیا جائے گا۔

انگلستان کا دورۂ سری لنکا

26 تا 30 مارچ 2012ء	بمقابلہ	پہلا ٹیسٹ	گال
3 تا 7 اپریل 2012ء	بمقابلہ	دوسرا ٹیسٹ	کولمبو