پاک-لنکا ٹیسٹ سیریز، چار اسپیشلسٹ کھلاڑی امارات روانہ
پاکستان اور سری لنکا کے درمیان مکمل سیریز کا دوسرا یعنی ایک روزہ مرحلہ آج اپنے اختتام کو پہنچے گا جب دونوں ٹیمیں پانچویں و آخری ون ڈے میچ کھیلیں گی۔ اس کے ساتھ ہی طویل طرز کی کرکٹ کی تیاریوں کا آغاز ہو جائے گا۔
پاک-لنکا پہلے ٹیسٹ میں شرکت کے لیے پاکستان کے 4 کھلاڑی لاہور سے متحدہ عرب امارات روانہ ہوگئے ہیں۔ پاکستان نے گزشتہ روز ہی تین ٹیسٹ میچز کی سیریز کے لیے اپنے اسکواڈ کا اعلان کیا جس میں سے بیشتر کھلاڑی تو پہلے ہی ایک روزہ سیریز کے لیے عرب امارات میں موجود ہیں جبکہ چار کھلاڑی اوپنر خرم منظور، مڈل آرڈر بیٹسمین اظہر علی اور تیز باؤلرز راحت علی اور محمد طلحہ آج ٹیم کے دیگر اراکین کے ساتھ مل جائیں گے۔
31 دسمبر سے ابوظہبی میں شروع ہونے والے ٹیسٹ کے بعد دونوں ٹیمیں سالِ نو میں دبئی اور شارجہ میں دو ٹیسٹ میچز کھیلیں گی۔
