نوجوان پاکستانی اسپنر شاداب خان کو آئی سی سی کے کوڈ آف کنڈکٹ کی خلاف ورزی کا مرتکب قرار دیا گیا جس کی پاداش میں ان پر میچ فیس کا 20 فیصد جرمانہ عائد کیا گیا ہے۔
فیلڈ امپائرز نے شاداب خان کو آئی سی سی کے کوڈ کے لیول 1 کے مطابق قصوروار قرار دیا جو نامناسب جملے، اشارے یا غیر مناسب رویے پر لاگو ہوتا ہے۔ خاص طور پر جب کسی بین الاقومی میچ میں بلے باز کے آؤٹ ہونے پر گیندباز غیر مہذب نوعیت کے کسی اقدام میں ملوث پایا جائے تو اسے ضابطہ اخلاق کی خلاف وزری سمجھا جاتا ہے۔
یہ واقعہ گزشتہ روز پاکستان اور ویسٹ انڈیز کے درمیان کھیلے گئے دوسرے ٹی ٹوینٹی میچ میں پیش آیا۔ ویسٹ انڈین اوپنر بلے باز چیڈوک والٹن نے جارحانہ انداز سے کھیلتے ہوئے 2 چھکوں اور 5 چوکوں کی مدد سے 40 رنز بنائے جن میں سے 11 رنز شاداب خان کے پہلے اوور میں بٹورے گئے۔ مگر پاکستانی نوجوان اسپنر شاداب خان نے دوسرے اوور میں چیڈوک والٹن کو کلین بولڈ کر دیا۔ تب وہ جذبات پر قابو نہ رکھ سکے اور والٹن کی طرف انگلی کا اشارہ کر کے نازیبا الفاظ استعمال کیے۔ ذیل میں ویڈیو ملاحظہ فرمائیں:
OUT! 8.1 Shadab Khan to Chadwick Walton
Watch ball by ball highlights at https://t.co/JsqpSnbDi1#PAKvWI #ApnaKhelApneGhar @_cricingif pic.twitter.com/Kul8iunF3Z— PCB Official (@TheRealPCB) April 2, 2018
میچ کے بعد شاداب نے اپنی غلطی کو تسلیم کرتے ہوئے معذرت چاہی جسے قبول کرتے ہوئے میچ ریفری ڈیوڈ بوون نے متعلقہ کوڈ کی خلاف ورزی پر کم سے کم سزا دینے کا فیصلہ کیا اور مزید کسی کاروائی کو غیر ضروری قرار دے دیا۔
