پی ایس ایل 2 کا شیڈول جاری، فائنل لاہور میں ہی ہوگا

پاکستان سپر لیگ کے دوسرے سیزن کا سب سے فرحت بخش اعلان بلاشبہ فائنل کا لاہور میں انعقاد ہے۔ خدشات میں گرے اس اعلان پر کوئٹہ دہشت گردی نے شکوک و شبہات کو بڑھا تو دیا تھا مگر میچز کے جاری کردہ شیڈول سے لگتا ہے کہ قذافی اسٹیڈیم کو تیاری پکڑ لینی چاہئے کیونکہ فائنل لاہور ہی میں ہوگا۔

شیڈول کے مطابق پی ایس ایل 2 کا آغاز 9 فروری سے متحدہ عرب امارات کے میدانوں سے ہوگا جو گروپ میچز، ناک آؤٹ مرحلے سے ہوتا ہوا فائنل تک پہنچے گا جو 7 مارچ کو لاہور میں ہوگا۔

اس مرتبہ پاکستان کرکٹ حکام نے نے ملک میں کرکٹ کی رونقیں بحال کرنے کا مکمل ارادہ کیا ہوا ہے کیونکہ لاہور میں فائنل کو یقینی بنانے کے لئے جہاں غیر ملکی کھلاڑیوں کے معاہدے میں لاہور شرکت کی شق ڈالی گئی ہے، وہیں 20ہزار ڈالر اضافی ادائیگی کی ترغیب بھی شامل ہے۔

پہلے سیزن کے کامیاب انعقاد کے بعد بہت سے بین الااقوامی کھلاڑیوں نے پی ایس ایل 2 میں دلچسپی ظاہر کی ہے، جن میں سے برینڈن میک کولم اور مہیلا جے وردھنے تو باقاعدہ اس کا حصہ بھی بن چکے ہیں۔ میک کولم کو لاہور قلندرز نے ہاتھوں ہاتھ لیا جبکہ مہیلا جے وردھنے اپنے دوست کمار سنگاکارا کے ساتھ کراچی کنگز کا حصہ ہوں گے۔ جبکہ انگلینڈ کے کپتان ایون مورگن سمیت دو اہم کھلاڑی کرس جارڈن اور ایلکس ہیلز شاہد آفریدی کے ساتھ پشاور زلمی میں نظر آئیں گے۔

بظاہر تو فائنل لاہور میں منعقد ہونے میں کوئی رکاوٹ نظر نہیں آ رہی چہ جائیکہ پرسکون ملکی حالات میں کوئی ناخوشگوار واقعہ رونما نہ ہو جائے۔ البتہ سکیورٹی کلیئرنس پھر بھی ضروری ہوگی جیسا کہ بنگلہ دیش نے انگلستان کے حالیہ دورے کے لیے دی۔

پاکستان سپر لیگ 2017ء - مکمل شیڈول

بتاریخ					بمقام
9 فروری 2017ء	پشاور زلمی	بمقابلہ	اسلام آباد یونائیٹڈ	میچ 1	دبئی
10 فروری 2017ء	لاہور قلندرز	بمقابلہ	کوئٹہ گلیڈی ایٹرز	میچ 2	دبئی
10 فروری 2017ء	کراچی کنگز	بمقابلہ	پشاور زلمی	میچ 3	دبئی
11 فروری 2017ء	اسلام آباد یونائیٹڈ	بمقابلہ	لاہور قلندرز	میچ 4	دبئی
11 فروری 2017ء	کوئٹہ گلیڈی ایٹرز	بمقابلہ	کراچی کنگز	میچ 5	دبئی
12 فروری 2017ء	پشاور زلمی	بمقابلہ	لاہور قلندرز	میچ 6	دبئی
15 فروری 2017ء	اسلام آباد یونائیٹڈ	بمقابلہ	کوئٹہ گلیڈی ایٹرز	میچ 7	شارجہ
16 فروری 2017ء	لاہور قلندرز	بمقابلہ	کراچی کنگز	میچ 8	شارجہ
17 فروری 2017ء	پشاور زلمی	بمقابلہ	کوئٹہ گلیڈی ایٹرز	میچ 9	شارجہ
17 فروری 2017ء	کراچی کنگز	بمقابلہ	اسلام آباد یونائیٹڈ	میچ 10	شارجہ
18 فروری 2017ء	کوئٹہ گلیڈی ایٹرز	بمقابلہ	لاہور قلندرز	میچ 11	شارجہ
18 فروری 2017ء	اسلام آباد یونائیٹڈ	بمقابلہ	پشاور زلمی	میچ 12	شارجہ
19 فروری 2017ء	پشاور زلمی	بمقابلہ	کراچی کنگز	میچ 13	شارجہ
20 فروری 2017ء	لاہور قلندرز	بمقابلہ	اسلام آباد یونائیٹڈ	میچ 14	شارجہ
23 فروری 2017ء	کراچی کنگز	بمقابلہ	کوئٹہ گلیڈی ایٹرز	میچ 15	دبئی
24 فروری 2017ء	پشاور زلمی	بمقابلہ	لاہور قلندرز	میچ 16	دبئی
24 فروری 2017ء	کوئٹہ گلیڈی ایٹرز	بمقابلہ	اسلام آباد یونائیٹڈ	میچ 17	دبئی
25 فروری 2017ء	لاہور قلندرز	بمقابلہ	کراچی کنگز	میچ 18	دبئی
25 فروری 2017ء	پشاور زلمی	بمقابلہ	کوئٹہ گلیڈی ایٹرز	میچ 19	دبئی
26 فروری 2017ء	کراچی کنگز	بمقابلہ	اسلام آباد یونائیٹڈ	میچ 20	دبئی
28 فروری 2017ء	طے ہونا باقی	بمقابلہ	طے ہونا باقی	پلے آف 1	شارجہ
یکم مارچ 2017ء	طے ہونا باقی	بمقابلہ	طے ہونا باقی	پلے آف 2	شارجہ
3 مارچ 2017ء	طے ہونا باقی	بمقابلہ	طے ہونا باقی	پلے آف 3	دبئی
7 مارچ 2017ء	طے ہونا باقی	بمقابلہ	طے ہونا باقی	فائنل	لاہور