معین خان کے لیے بھاری دن، محمد الیاس بحیثیت چیف سلیکٹر بحال ہوگئے

پاکستان
از فہد کیہر
کوچ کا عہدہ تو ہاتھ سے گیا ہی، ساتھ میں سلیکشن کمیٹی کی سربراہی بھی گئی (تصویر: AP)
کوچ کا عہدہ تو ہاتھ سے گیا ہی، ساتھ میں سلیکشن کمیٹی کی سربراہی بھی گئی (تصویر: AP)
0 1,079

معین خان کے لیے 6 مئی کا دن بہت بھاری ہے، ایک طرف پاکستان کرکٹ بورڈ نے ہیڈ کوچ کے عہدے پر وقار یونس کی تقرری کا اعلان کردیا تو دوسری جانب اسلام آباد کی عدالت عالیہ نے چیف سلیکٹر پر محمد الیاس کی بحالی کا فیصلہ سنا دیا۔

کوچ کا عہدہ تو ہاتھ سے گیا ہی، ساتھ میں سلیکشن کمیٹی کی سربراہی بھی گئی (تصویر: AP)
کوچ کا عہدہ تو ہاتھ سے گیا ہی، ساتھ میں سلیکشن کمیٹی کی سربراہی بھی گئی (تصویر: AP)

پاکستان کرکٹ بورڈ نے چیئرمین نجم سیٹھی کے بحال کیے جانے کے بعد بورڈ کے کئی عہدیداران کو باہر کا راستہ دکھا دیا تھا جن میں سلیکٹر محمد الیاس بھی شامل تھے جنہوں نے اس فیصلے کو عدالت میں چیلنج کردیا تھا۔

منگل کو اسلام آباد کی عدالت عالیہ کے جسٹس نور الحق قریشی نے محمد الیاس کے حق میں فیصلہ سنادیا اور ان کے ساتھ تین مزید ملازمین کو بھی عہدوں پر بحال کیا، جنہيں نئے سیٹ اپ کی آمد کے ساتھ اپنی ملازمت سے ہاتھ دھونا پڑے تھے۔

اب وقار یونس کی آمد کی وجہ سے معین خان کو اپنا ہیڈ کوچ کا عہدہ تو چھوڑنا ہی پڑا، بلکہ اب عدالت کے فیصلے کے بعد چیف سلیکٹر کے عہدے سے بھی ہاتھ دھونا پڑیں گے۔

فہد کیہر

فہد کیہر (قلمی نام: ابوشامل) کرک نامہ کے مدیر اور بانی ہیں۔ آپ 2007ء سے اردو بلاگنگ سے وابستہ ہیں۔