ورلڈ ٹی ٹوئنٹی 2012ء کے شیڈول کا اعلان

بین الاقوامی کرکٹ کونسل نے ورلڈ ٹی ٹوئنٹی 2012ء کے شیڈول کا اعلان کر دیا ہے جس کے مطابق ٹورنامنٹ 18 ستمبر 2012ء سے سری لنکا میں شروع ہوگا اور اس کا فائنل 7 اکتوبر 2012ء کو کولمبو میں کھیلا جائے گا۔

کرک نامہ کو بین الاقوامی کرکٹ کونسل کی جانب سے موصول ہونے والے اعلامیہ کے مطابق ٹورنامنٹ کے مقابلے کولمبو، ہمبنٹوٹا اور پالی کیلے میں کھیلے جائیں گے۔

مختصر ترین طرز کی بین الاقوامی کرکٹ کے اس مقابلے کے تین ٹورنامنٹ پہلے بھی منعقد ہو چکے ہیں جن میں بھارت، پاکستان اور انگلستان عالمی چیمپئن بننے کا اعزاز حاصل کر چکے ہیں۔ان ٹورنامنٹس میں کھیلے گئے پاک-بھارت مقابلوں میں شائقین کو بہترین کرکٹ دیکھنے کو ملی جس میں اولین ٹی ٹوئنٹی کا یادگار فائنل بھی شامل ہے جس میں ایک سنسنی خیز مقابلے کے بعد بھارت کو فتح نصیب ہوئی۔ 2012ء میں بھی پاکستان اور بھارت کا آمنا سامنا ہو سکتا ہے۔ اگر پاکستان اور بھارت گروپ مرحلے میں کامیابیاں سمیٹتے ہوئے سپر ایٹ مرحلے تک پہنچ گئے تو اُن کا ٹکراؤ 30 ستمبر کو کولمبو میں ہوگا جو ممکنہ طور پر آنے والے ٹورنامنٹ کا سب سے بڑا میچ ہوگا۔

اِس مرتبہ انگلستان اپنے اعزاز کا دفاع کرے گا جس نے 2010ء میں ویسٹ انڈیز میں کھیلے گئے ورلڈ ٹی ٹوئنٹی میں آسٹریلیا کو شکست دے کر ٹی ٹوئنٹی کا عالمی چیمپئن بننے کا اعزاز حاصل کیا تھا۔

انگلستان کی مہم کا آغاز 21 ستمبر کو رانا سنگھے پریماداسا اسٹیڈیم میں کوالیفائنگ راؤنڈ کھیل کر حتمی مرحلے میں پہنچنے والی کسی ٹیم سے ہوگا۔ دو روز بعد وہ 2007ء کے ٹی ٹوئنٹی چیمپئن بھارت سے ٹکرائے گا۔ یوں اسٹورٹ براڈ اور یووراج سنگھ ایک مرتبہ پھر مدمقابل آ سکتے ہیں۔

2009ء کے ٹورنامنٹ کا چیمپئن پاکستان نیوزی لینڈ اور بنگلہ دیش کے گروپ میں شامل ہے اور 23 اور 25 ستمبر کو بالترتیب ان دونوں کے خلاف پالی کیلے میں کھیلے گا۔

دوسری جانب گزشتہ سال کا رنر اپ آسٹریلیا 19 ستمبر کو کولمبو ہی میں ٹورنامنٹ کے لیے کوالیفائی کرنے والی دو ٹیموں میں سے کسی ایک کا سامنا کرے گا۔

گزشتہ سال ویسٹ انڈیز میں کھیلے گئے ورلڈ ٹی ٹوئنٹی کے سیمی فائنل میں انگلستان سے ہارنے والا سری لنکا اپنی مہم کا آغاز 18 ستمبر کو زمبابوے کے خلاف ہمبنٹوٹا میں کرے گا جبکہ 22 ستمبر کو اسی مقام پر اس کا مقابلہ جنوبی افریقہ جیسے سخت حریف سے ہوگا۔

مردوں کے اس عالمی مقابلے کے علاوہ ویمنز ورلڈ ٹی ٹوئنٹی بھی کھیلا جائے گا جس کے مقابلے گال انٹرنیشنل اسٹیڈیم میں ہوں گے۔ مجموعی طور پر ٹورنامنٹ میں 42 مقابلے ہوں گے جن میں 27 مردوں کے ایونٹ میں اور 15 عورتوں کے ایونٹ میں کھیلے جائیں گے۔ ٹورنامنٹ 20 دن تک جاری رہے گا اور فائنل 7 اکتوبر بروز اتوار پریماداسا اسٹیڈیم، کولمبو میں ہوگا۔

بین الاقوامی کرکٹ کونسل کے چیف ایگزیکٹو ہارون لورگاٹ نے ٹورنامنٹ کے شیڈول کے اعلان کے ساتھ ہی اس کے خوبصورت لوگو کا افتتاح بھی کیا جسے 'ماڈرن اسپن' کا نام دیا گیا ہے۔ آسٹریلیا کے ایک تخلیقی ادارے کا تیار کردہ یہ دلکش لوگو سری لنکا کی قومی زبان سنہالی کے الفاظ سے ملتا جلتا ہے۔ اس موقع پر ہارون لورگاٹ نے کہا کہ جنوبی افریقہ، انگلستان اور ویسٹ انڈیز میں تین ٹورنامنٹس کے کامیاب انعقاد کے بعد انہیں امید ہے کہ کامیابوں کا یہ تسلسل سری لنکا میں بھی جاری رہے گا اور ورلڈ ٹی ٹوئنٹی 2012ء ایک عالمی معیار کا ایونٹ ثابت ہوگا۔

ٹورنامنٹ میں دو کوالیفائر ٹیمیں بھی شامل ہوں گی جو 13 سے 24 مارچ 2012ء تک متحدہ عرب امارات میں ہونے والا آئی سی سی ورلڈ ٹی ٹوئنٹی 2012ء کوالیفائر کھیلیں گی۔

ورلڈ ٹی ٹوئنٹی 2012ء کا مکمل شیڈول

تاریخ و دن	مقابلہ	ٹیمیں			بمقام
18 ستمبر 2012ء بروز منگل	نمبر 1		بمقابلہ		ہمبنٹوٹا
19 ستمبر 2012ء بروز بدھ	نمبر 2		بمقابلہ	کوالیفائیر 1	کولمبو
19 ستمبر 2012ء بروز بدھ	نمبر 3		بمقابلہ	کوالیفائیر 2	کولمبو
20 ستمبر 2012ء بروز جمعرات	نمبر 4		بمقابلہ		ہمبنٹوٹا
21 ستمبر 2012ء بروز جمعہ	نمبر 5		بمقابلہ		پالی کیلے
21 ستمبر 2012ء بروز جمعہ	نمبر 6		بمقابلہ	کوالیفائیر 2	کولمبو
22 ستمبر 2012ء بروز ہفتہ	نمبر 7		بمقابلہ		ہمبنٹوٹا
22 ستمبر 2012ء بروز ہفتہ	نمبر 8		بمقابلہ		کولمبو
23 ستمبر 2012ء بروز اتوار	نمبر 9		بمقابلہ		پالی کیلے
23 ستمبر 2012ء بروز اتوار	نمبر 10		بمقابلہ		کولمبو
24 ستمبر 2012ء بروز پیر	نمبر 11		بمقابلہ	کوالیفائیر 1	کولمبو
25 ستمبر 2012ء بروز منگل	نمبر 12		بمقابلہ		پالی کیلے
27 ستمبر 2012ء بروز جمعرات	سپر 8 (1)	سی 1	بمقابلہ	ڈی 2	پالی کیلے
27 ستمبر 2012ء بروز جمعرات	سپر 8 (2)	اے 1	بمقابلہ	بی 2	پالی کیلے
28 ستمبر 2012ء بروز جمعہ	سپر 8 (3)	ڈی 1	بمقابلہ	سی 2	کولمبو
28 ستمبر 2012ء بروز جمعہ	سپر 8 (4)	بی 1	بمقابلہ	اے 2	کولمبو
29 ستمبر 2012ء بروز ہفتہ	سپر 8 (5)	اے 1	بمقابلہ	ڈی 2	پالی کیلے
29 ستمبر 2012ء بروز ہفتہ	سپر 8 (6)	سی 1	بمقابلہ	بی 2	پالی کیلے
30 ستمبر 2012ء بروز اتوار	سپر 8 (7)	بی 1	بمقابلہ	سی 2	کولمبو
30 ستمبر 2012ء بروز اتوار	سپر 8 (8)	ڈی 1	بمقابلہ	اے 2	کولمبو
یکم اکتوبر 2012ء بروز پیر	سپر 8 (9)	بی 2	بمقابلہ	ڈی 2	پالی کیلے
یکم اکتوبر 2012ء بروز پیر	سپر 8 (10)	اے 1	بمقابلہ	سی 1	پالی کیلے
2 اکتوبر 2012ء بروز منگل	سپر 8 (11)	بی 1	بمقابلہ	ڈی 1	کولمبو
2 اکتوبر 2012ء بروز منگل	سپر 8 (12)	اے 2	بمقابلہ	سی 2	پالی کیلے
4 اکتوبر 2012ء بروز جمعرات	سیمی فائنل 1	سپر 8 (1)	بمقابلہ	سپر 8 (4)	پالی کیلے
5 اکتوبر 2012ء بروز جمعہ	سیمی فائنل 2	سپر 8 (2)	بمقابلہ	سپر 8 (3)	کولمبو
7 اکتوبر 2012ء بروز اتوار	فائنل	فاتح سیمی فائنل 1	بمقابلہ	فاتح سیمی فائنل 2	کولمبو

ویمنز ورلڈ ٹی ٹوئنٹی 2012ء کا مکمل شیڈول

تاریخ و دن	مقابلہ	ٹیمیں			بمقام
26 ستمبر 2012ء بروز بدھ	نمبر 1		بمقابلہ	کوالیفائیر 2	گال
26 ستمبر 2012ء بروز بدھ	نمبر 2		بمقابلہ		گال
27 ستمبر 2012ء بروز جمعرات	نمبر 3		بمقابلہ	کوالیفائیر 1	گال
27 ستمبر 2012ء بروز جمعرات	نمبر 4		بمقابلہ		گال
28 ستمبر 2012ء بروز جمعہ	نمبر 5		بمقابلہ	کوالیفائیر 2	گال
28 ستمبر 2012ء بروز جمعہ	نمبر 6		بمقابلہ		گال
29 ستمبر 2012ء بروز ہفتہ	نمبر 7		بمقابلہ	کوالیفائیر 1	گال
29 ستمبر 2012ء بروز ہفتہ	نمبر 8		بمقابلہ		گال
30 ستمبر 2012ء بروز اتوار	نمبر 9		بمقابلہ	کوالیفائیر 2	گال
30 ستمبر 2012ء بروز اتوار	نمبر 10		بمقابلہ		گال
یکم اکتوبر 2012ء بروز پیر	نمبر 11		بمقابلہ	کوالیفائیر 1	گال
یکم اکتوبر 2012ء بروز منگل	نمبر 12		بمقابلہ		گال
4 اکتوبر 2012ء بروز جمعرات	سیمی فائنل 1	اے 1	بمقابلہ	بی 2	گال
5 اکتوبر 2012ء بروز جمعہ	سیمی فائنل 2	اے 2	بمقابلہ	بی 1	گال
7 اکتوبر 2012ء بروز اتوار	فائنل	فاتح سیمی فائنل 1	بمقابلہ	فاتح سیمی فائنل 2	گال